xoves, 29 de novembro de 2018

VISITA DE CARLOS NEGRO



O Equipo de dinamización da lingua galega (EDLG) deseñou a actividade “Poesía contra a violencia” dentro do marco das actividades do 25 de novembro, Día internacional para a non violencia contra as mulleres. 

O alumnado do  EDLG partiu do libro Masculino singular de Carlos Negro para sensibilizar a toda a comunidade educativa da lacra que supón a violencia contra as mulleres na nosa sociedade.  Para iso, alumnado e profesorado do Equipo fixeron unha intervención no corredor de entrada do edificio empregando dous poemas da obra citada. Por un lado plasmaron no chan os versos de “Baldosas” e, por outro, ocuparon boa parte da parede cun cartaz de metro e medio no que se pode ler outro dos textos do libro: “Cadernos Rubio”. A partir deste, o alumnado do centro foi traballando un imaxinario en positivo de cara ao sector masculino, recreando os versos do poeta.
Este amesán de adopción foi convidado a vir ao centro este xoves para completar a actividade. Primeiro estivo co alumnado de 2º de bacharelato léndolles poemas ao tempo que provocaba a reflexión do alumnado sobre a concepción da masculinidade e os comportamentos asociados que levan á violencia, non só física.

A continuación - durante o recreo- desenvolveuse unha actividade en colaboración co equipo da biblioteca. Neste espazo, o autor tivo un encontro coa comunidade do IES, onde alumnado do ENDL leu poemas de Masculino singular acompañados, nalgún caso, polo propio autor. Tamén fixo unha breve presentación do seu último libro, gañador do premio Jules Verne da Editorial Xerais este 2018.
Rematou a acción cun grupo de alumnos e alumnas lendo diante de Carlos as propias creacións poéticas inspiradas nos seus versos.

 

xoves, 15 de novembro de 2018

DE SAMAÍN A HALLOWEEN



En coordinación con varios departamentos didácticos o pasado 31 de outubro celebramos o Samaín (Samhain en gaélico). Parte  do alumnado elaborou materiais aludindo á orixe celta desta celebración que chega a nós hoxe como Halloween. Carteis e outros elementos decorativos colgaron das paredes do centro para conmemorar esta data de "fin do verán e comenzo do inverno"





MES DA CIENCIA EN GALEGO




 Nun intento de divulgar a ciencia en Galicia, A Consellería de Educación, Universidade e Formación Profesional promove a celebración anual do mes de novembro como MES DA CIENCIA EN GALEGO NAS BIBLIOTECAS



A Biblioteca do I.E.S. de Milladouro realizou unha recompilación de recursos de ciencia en galego que están a disposición do alumnado do centro.

mércores, 13 de xuño de 2018

SEMANA DAS LETRAS GALEGAS



  
O equipo de EDLG en colaboración coa biblioteca levou a cabo unha serie de actividades para potenciar a lingua galega:

Exposicións sobre Mª Victoria Moreno en varios puntos do centro: biblioteca, entrada...

Lecturas colectivas con música de fondo

Interpretación polo alumnado da peza Lúa de prata con texto de Mª Victoria Moreno e música de Fuxan os Ventos
 
 
Encontro dos clubs de lectura de 4º de ESO co escritor Antonio Manuel Fraga arredor do libro Querido Lovecraft
  •  Reunión do club de lectura de adultos.
  • Amigo invisible para agasallos de libros en galego polas aulas e sala de profesorado.


 
 


BOLETÍN BLIBLIOTECAS CONTORNA