A maleta viaxeira de inglés no novo recuncho de lectura informal

O alumnado de 1º e de 2º de ESO acompañados pola súa profesora de inglés acudiron á biblioteca coa finalidade  de  coñecer e ler os libros en versión orixinal que contiña a Maleta viaxeira Inglés Secundaria A. A súa atención centrouse, entre outros aspectos, nas fermosas ilustracións dos distintos títulos de banda deseñada que se recollen nesta iniciativa para fomento da lectura.

A raíz deste achegamento a novas lecturas en inglés os alumnos e alumnas aportaron as súas suxestións para a adquisición dalgún destes títulos por parte do Departamento de Inglés e a Biblioteca.