Durante o segundo trimestre, o noso centro fixo unha homenaxe a dous persoeiros
fundamentais para a nosa cultura a través de dúas efemérides: o aniversario dos
nacementos de Castelao (30 de xaneiro)
e de Rosalía (24 de febreiro). Entre outras actividades, o EDLG proporcionou para cada aula do centro unha planta
de pensamentos con dous "pensamentos" (citas) de Castelao,
previamente seleccionadas polo alumnado do grupo. A partir de febreiro esas
verbas de Castelao foron substituídas por versos de Rosalía.
Ademais, o EDLG realizou en colaboración
co equipo da Biblioteca unha exposición sobre os álbums de guerra de Castelao e
a paz lingüística. Estas actividades compleméntanse coa visita do alumnado de
4º de ESO á exposición Castelao maxistral no
Gaiás.
Comentarios
Publicar un comentario