II CAMPUS DE REGUEIFA

 

II CAMPUS DE REGUEIFA 

Este venres, 8 de maio, tivo lugar na Biblioteca do IES do Milladoiro unha rolda de prensa na que se presentaron dúas iniciativas innovadoras arredor da regueifa, impulsadas coa participación activa do alumnado do centro e a Deputación da Coruña. Ademais, foi presentada a segunda edición da Semana Intercultural que reunirá alumnado, artistas e entidades sociais do 11 ao 13 de maio nunha programación que celebra a diversidade como motor educativo e culminará cunha gala, un concerto de clausura e un xantar solidario aberto a toda a comunidade educativa.

O campus busca consolidarse como unha actividade anual itinerante, fortalecendo a rede de centros educativos que traballan a regueifa e promovendo o uso activo da lingua galega entre a mocidade. Ademais, pretende fomentar valores como a igualdade, o respecto e o pensamento crítico, ao tempo que explora novas conexións entre tradición e creación contemporánea.