Mergúllate nun mar de libros: as nosas recomendacións para este verán

 Lanzamos a Guía de Lecturas de Verán da Rede de Bibliotecas de Ames! ☀️📚

Un ano máis, as vacacións están á volta da esquina e, con elas, chega o momento perfecto para relaxarse, desconectar e viaxar a través das páxinas. Dende as Bibliotecas Escolares do Concello de Ames preparamos con moito agarimo unha nova selección de lecturas recomendadas para este verán.

Nesta guía compartida atoparedes propostas variadas e adaptadas a todas as idades e intereses: dende álbums ilustrados e divertidas aventuras para os máis pequenos, ata lecturas fascinantes, banda deseñada e novelas cheas de misterio para o alumnado de secundaria, Bacharelato e FP. Hai unha historia agardando por cada un de vós!

• Onde consultala? Podedes descargar e botarlle unha ollada á guía completa a través do espazo web de cada un dos nosos centros participantes.
• Non marches de baleiro! Lembra pasar pola biblioteca antes de que remate o curso para levar os teus libros en préstamo.

Aproveitade estes meses para mergullarvos en grandes historias. Que teñades un verán cheo de sol, praia e, sobre todo, moitas e boas lecturas! 🌊📖